* Mandatory fields

Personal details

  Female       Male

Additional details





Please create a password in order to access your personal account. Your password requires at least 6 characters with a minimum of 1 number and capital(s)


REGLAMENTU DOMÉSTIKO DI “Hats off to Dreams” Karnaval 2025

Artíkulo 1

General
  1. ‘Hats off to Dreams’ ta un fundashon konsistiendo di 6 miembro di direktiva i ta keda indiká seguidamente komo ‘HOTD’.
  2. HOTD tin un kuenta na Maduro & Curiel’s Bank (MCB) i tur transakshon ta tuma lugá via e kuenta aki.


Artíkulo 2

Reunion
  1. Un biaha pa aña direktiva di HOTD ta organisá un reunion general ku miembronan durante kua ta konkretisá i komuniká e plannan pa e periodo di karnaval.
  2. Ta prohibí pa hasi uso di palabranan insolente i ekspreshonnan sugestivo durante di e reunion.


Artíkulo 3

Miembresia
  1. Pa partisipá un miembro mester tin 18 aña òf mas di edat.
  2. Un miembro ta un persona ku ta yena e formulario di inskripshon via di e wèpsait di www.hotd.info i ku ta keda aprobá komo miembro via di un konfirmashon ofisial por eskrito di direktiva di HOTD.
  3. Direktiva ta evaluá kada inskripshon i ta tuma e desishon final riba miembresia.
  4. Miembro ta paga kontribushon direktamente na HOTD.
  5. Komo miembro e persona ta inskribí pa partisipá aktivamente na e marcha di karnaval benidero i no por transferí e inskripshon pa siguiente aña sin pèrmit por eskrito di direktiva di HOTD.
  6. Un miembro ku pa kualkier motibu retirá durante aña ta haña preferensha riba otronan riba lista di espera na momento ku e bolbe apliká pa bira miembro i tin espasio disponibel.
  7. Miembresia ta kaduká den e siguiente kasonan:
    1. Malesa di e miembro
    2. Morto di e miembro
    3. Morto di un famia di e miembro den promé i segundo liña direkto
    4. E miembro no a kumpli ku reglanan di pago
    5. E miembro tin un komportashon inakseptabel i ya a haña notifikashon
    6. E miembro no ta kumpli ku reglanan di grupo i ya a haña notifikashon
    7. E miembro ta adaptá e trahe di HOTD sin outorisashon di direktiva di HOTD
  8. Ta prohibí pa hasi uso di palabranan insolente i ekspreshonnan sugestivo durante di e marchanan di karnaval, na aktividatnan di HOTD i/o riba HOTD su plataformanan sosial.
  9. Ta prohibí pa hasi uso di supstansianan ilegal, manera supstansia narkótiko durante di e marchanan di karnaval i/o na na aktividatnan di HOTD.
  10. Direktiva di HOTD ta mantené e derecho di ekspulsá un miembro ku moralmente, verbalmente òf ku su aktuashon òf komportashon (tambe den su bida privá) por perhudiká e grupo.
  11. E miembro ku ser ekspulsá no por inskribí mas i no ta bini na remarke pa restitushon konforme artíkulo 4.
  12. Direktiva di HOTD den kaso di desakuerdo entre direktiva i partisipante, ta mantené e derecho di tuma un desishon final.
  13. Komo un miembro di HOTD, bo ta rekerí di torah riba algun elemento di bo trahe den kuadro di ko-kreashon i ‘community-building’.


Artíkulo 4

Kontribushon
  1. Kontribushon stipulá pa partisipashon den e marchanan di karnaval 2024 ta:
    1. Pa sekshon general (miembro lokal): 1.600 florin. Si e miembro paga e kontribushon kompleto promé ku 31 desèmber 2024, e miembro lo risibí un deskuento di 150 florin, resultando den un suma di 1.450 florin pa partisipashon den sekshon general.
    2. Pa trahe limitá (‘limited edition’): 2.200 florin. Si e miembro paga e kontribushon kompletu promé ku 31 desèmber 2024, e miembro lo risibí un deskuento di 150 florin, resultando den un suma di 2.050 florin pa partisipashon ku trahe limitá.
    3. Miembronan internashonal tin ku suma 150 florin adishonal riba e preis original di e sekshon/trahe di nan eskoho
    4. Sekshon individual ‘VIP’ ta kuminsá na 4500 florin (ku eksepshon di miembronan internashonal)
  2. Tambe ta kobra un 75 florin adishonal (pa reservá bo lugá de grupo) na momentu ku e miembro keda aseptá den grupo. E 75 florin ta obligatorio i mester ser pagá denter di 1 siman òf den e término stipulá pa direktiva di HOTD na momentu di inskripshon. No ta debolbé e pago di 75 florin bou di niun kondishon.
  3. Tin ku paga kontribushon den e términonan stipulá pa direktiva di HOTD: un mínimo di 450 florin pa 30 sèptèmber 2024 i pago kompleto pa 31 di yanüari 2025.
  4. Na momentu ku e 75 florin keda depositá e miembro ta keda invitá pa kue midí serka e kosedó i na momento ku e promé suma di 450 florin keda depositá ta kuminsá kosé e paña di e miembro.
  5. Den kaso ku no kumpli ku e promé pago promé ku e fecha stipulá 30 di sèptèmber 2024, e miembro lo keda outomátikamente ekspulsá for di HOTD.
  6. Den kaso ku miembro no kumpi ku e pago final kompletu riba 31 desèmber 2024 outomátikamente e miembro ta pèrdè derecho riba e deskuento di 150 florin manera stipulá den artíkulo 4.1
  7. Den kaso ku miembro no kumpli ku e pago final kompletu riba 31 yanüari 2025, outomátikamente ta agregá un but di 150 florin riba e kontribushon.
  8. Pago di kontribushon mester keda depositá riba kuenta di HOTD na Maduro & Curiel’s Bank, manera indiká riba e wèpsait di HOTD Kontribushon ta keda debolbé kompletamente den e siguiente situashonnan:
    1. Malesa di e miembro
    2. Embaraso di e miembro
    3. Morto di e miembro
    4. Morto di un famia di e miembro den promé i segundo liña direkto
  9. Den kaso ku despues di presentashon di trahe, e trahe no kai na agrado, e miembro tin 1 siman despues di presentashon di trahe pa partisipá esaki por eskrito na direktiva di HOTD i e miembro por risibí 100% di su kontribushon bèk ku eksepshon di e suma di 75 florin (pa reservá bo lugá den grupo). Si e miembro hasi esaki dentro di 2 siman, e por risibí 50% di su kontribushon bèk ku eksepshon di e suma di 75 florin (pa reservá bo lugá den grupo). Despues di 2 siman e miembro por risibí 25% di su kontribushon bèk ku eksepshon di e suma di 75 florin (pa reservá bo lugá den grupo) i despues di 30 dia e miembro no ta risibí su kontribushon bèk ni tampoko e suma di 75 florin (pa reservá bo lugá den grupo).
  10. Miembronan ku informá direktiva ku nan no kier partisipá mas despues ku kuminsá kose, no por bini na remarke pa restitushon. Únikamente si tin un persona riba lista di espera ku e trahe ta sirbi e persona, por duna e miembro original 75% di su kontribushon bèk ku eksepshon di e suma di 75 florin (pa reservá bo lugá den grupo).


Artíkulo 5

Miembronan ‘VIP’
  1. HOTD tin un sekshon ‘VIP’ pa un kantidat limitá di miembro.
  2. Miembronan ku skohe un trahe ‘VIP’ ta risibí un trahe kual ta un diseño úniko/individual ‘tailor-made’ i hopi mas elaborá. E diseño, mas ku klaro, ta keda kreá den konhunto ku e miembro mes.
  3. E opshon pa un trahe ‘VIP’ ta keda otorgá na e personanan ku registrá promé den forma di ‘first come, first serve’.
  4. Kontribushon pa e trahe ‘VIP’ ta kuminsá na 4500 florin pa miembro nan lokal i si ta trata di un miembro internashonal e trahe ta kuminsá na 5000 florin.
  5. Un miembro ku skohe trahe ‘VIP’ tin ku kompletá kontribushon den e términonan stipulá: un mínimo di 1250 florin pa 30 di sèptèmber 2024 i pago kompleto pa 31 di desèmber 2024.
  6. E miembro ta keda invitá pa kue midí serka e kosedó na momentu ku e inskripshon a keda aprobá i na momento ku e promé suma total di 1000 florin keda depositá ta kuminsá kosé e paña di e miembro.
  7. Den kaso ku no kumpli ku e promé pago promé ku e fecha stipulá 30 di sèptèmber 2024, e miembro ta pèrdè e derechi riba un trahe ‘VIP’ i ta keda outomátikamente ekspulsá for di HOTD.
  8. Den kaso ku no kumpli ku e pago final riba e fecha stipulá 31 di desèmber 2024, ta agregá un but di 250 florin riba e kontribushon.
  9. Tur regla stipulá pa miembronan general den artíkulo 1 te ku 4 ta konta tambe pa miembronan ‘VIP’.


Artíkulo 6

Miembronan ‘Limited Edition’
  1. HOTD ta krea un trahe ‘limited edition’ femenino i maskulino pa un kantidat limitá di miembro. Miembronan ku skohe un trahe ‘limited edition’ ta risibí un trahe ku tin un diseño diferente i mas elaborá ku e trahe general, manera presentá durante desvelo di trahe. Tur trahe ‘limited edition’ ta meskos, distinguí entre un modèl maskulino i un modèl femenino.
  2. E trahe ‘limited edition’ ta keda otorgá na e personanan ku registrá promé ‘first come first serve’.
  3. Kontribushon pa e trahe ‘limited edition’ ta 1900 florin pa miembro lokal i 2050 florin pa miembronan internashonal.
  4. Un miembro ku skohe trahe ‘limited edition’ tin ku kompletá kontribushon den e términonan stipulá: un mínimo di 750 florin pa 30 di sèptèmber 2024 i pago kompleto pa 31 di desèmber 2024.
  5. Na momentu ku e 75 florin keda depositá e miembro ta keda invitá pa kue midí serka e kosedó i na momento ku e promé suma di 750 florin keda depositá ta kuminsá kosé e paña di e miembro.
  6. Den kaso ku no kumpli ku e promé pago promé ku e fecha stipulá 30 di sèptèmber 2024, e miembro ta pèrdè e derechi riba un trahe ‘limited edition’ i ta keda outomátikamente ekspulsá for di HOTD.
  7. Den kaso ku miembro no kumpli ku e pago final kompletu riba 31 desèmber 2024 outomátikamente e miembro ta pèrdè derecho riba e deskuento di 150 florin manera stipulá den artíkulo 4.1
  8. Den kaso ku miembro no kumpli ku e pago final kompletu riba 31 yanüari 2025, outomátikamente ta agregá un but di 150 florin riba e kontribushon.
  9. Tur regla stipulá pa miembronan general den artíkulo 1 te ku 4 ta konta pa miembronan ‘limited edition’.


Artíkulo 7

Miembronan Internashonal
  1. HOTD ta akseptá un kantidat limitá di miembro internashonal den sekshon general.
  2. HOTD ta enkurashá miembronan internashonal pa skohe e preis ku ta inkluí fundraising pa evitá ku pa motibu di distansia no por kumpli ku e eksigensianan di fundraising.
  3. HOTD lo proveé tur miembro internashonal un formulario pa nan por kue nan midi. Tur miembro internashonal ta obligá na manda esaki bek yena ku e midi nan korekto pa HOTD promé ku e fecha di 30 di sèptèmber 2024. Nos ta rekomendá pa bo laga un kosturera profeshonal den bo pais tuma bo midínan pabo asina bo por ta sigur ku tur kos ta kana bon.
  4. Kontribushon:
    1. 1600 florin pa sekshon general
    2. 2200 florin pa sekshon ‘limited edition’
  5. Miembronan internashonal mester tei na Kòrsou por lo mínimo 10 dia promé gran marcha pa por hasi e ahustenan nesesario na e trahe. Si es ku miembro ta skohe pa bin despues di e fecha menshoná, direktiva di HOTD no ta para responsabel pa entrega di e trahe na tempu promé ku e marcha di karnval.
  6. Den kaso ku no kumpli ku e promé pago promé ku e fecha stipulá 30 di sèptèmber 2024, e miembro keda outomátikamente ekspulsá for di HOTD.
  7. Den kaso ku no kumpli ku e pago final riba e fecha stipulá 31 di desèmber 2024, ta agregá un but di 150 florin riba e kontribushon.
  8. Tur regla stipulá pa miembronan general den artíkulo 1 te ku 4 ta konta pa miembronan ‘limited edition’.


Artíkulo 8

Fundraising
  1. HOTD ta organisá ‘fundraisings’ pa rekoudá fondo di kual un ta mandatario pa miembronan partisipá na dje.
  2. Un miembro por paga un preis inkluso e montante di ‘fundraising’ i asina opta pa no partisipá na ‘fundraising’.
  3. E ‘fundraising’ ta enserá ku kada miembro mester rekoudá na balor di 200 florin pa un ‘fundraising’ obligatorio pa un evento indiká pa e direktiva di HOTD. E sèn kolektá ta pa e grupo di karnaval HOTD (no pa e miembro).
  4. Si e miembro ku ta partisipá na e ‘fundraising’ no logra rekoudá òf depositá e montante di e karchinan promé ku un fecha stipulá pa direktiva, e montante kompleto ta keda añadí riba di su kontribushon di partisipashon den grupo.
  5. Direktiva ta anunsiá e fecha i orario pa depositá tur fondo rekoudá den konekshon ku e ‘fundraising’ promé ku e evento kuminsá i ​no ta akseptá pa hasi atministrashon di fondo despues di e fecha i orario di e aktividat di ‘fundraising.’
  6. Tur konsekuensia ku por resultá dor di falta pa kompletá e pago na ora ta responsabilidat di e miembro negligente.
  7. Por transferí fondonan di kualkier ‘fundraising’ riba kuenta di HOTD na Maduro & Curiel’s Bank.


Artíkulo 9

‘Force Majeure’ Efektonan di un kalamidat i/o krísis nashonal por tin konsekuensianan grave pa nos pais . Kalamidat i/o krísis por presentá su mes den vários forma; corona-vírus, pandemia, orkan, inundashon, warwarú, tsunami, peliger di derumbe, krísis di koriente òf awa, disturbio, kandela grandi, atentado terorista, supstansia tóksiko, zika, vürwèrk i mas. Den un kaso di kalamidat i/o krísis Gobièrnu di Kòrsou tin un Direktorado di Kòntròl di Riesgo i Maneho pa Kalamidat ku ta avisá gobièrnu tokante di e pasonan ku mester tuma. E posibilidat ta eksistí ku un paso por enserá kanselá i/o kambio di e fecha di selebrashon di karnaval. Den e kaso aki e siguiente puntonan di akshon ta na vigor:
  1. Den kaso ku karnaval keda posponé pa kualke kalamidat, krísis i/o kualkier situashon imprevisto i pafó di HOTD su alkanse (por ehèmpel un brote di COVID-19) HOTD no por restituí na su miembronan e montante ku el a paga debí na e gastunan ya kaba hasí den preparashon pa marchanan di karnaval. E suma aki ta keda registrá komo e miembro su kontribushon te na momentu ku karnaval por kontinuá.
  2. Na momento ku un miembro registrá pa partisipá den karnaval 2024 ku HOTD, e miembro ta bai di akuerdo ku su partisipashon ta segun regla i palabrashonnan ku ta keda stipulá dor di Gobièrnu di Kòrsou relashoná na selebrashon di karnaval 2024. Direktiva di HOTD ta sigui e instrukshonnan stipulá pa por kontinuá ku evento i aktividatnan promé i durante di karnaval di un forma COVID-seif.

  Yes, I agree with the Terms & Conditions